गणेश चतुर्थी पूजा विधि — घर पर षोडशोपचार पूजा

श्लोक

हे हेरम्ब! त्वमेह्येहि ह्यम्बिकात्र्यम्बकात्मज। सिद्धिबुद्धिपते त्र्यक्ष लक्षलाभपितुः पितः॥ नागास्यं नागहारं त्वां गणराजं चतुर्भुजम्। भूषितं स्वायुधैर्दिव्यैः पाशाङ्कुशपरस्वधैः॥

श्लोक

अस्यै प्राणाः प्रतिष्ठन्तु अस्यै प्राणा क्षरन्तु च। अस्यै देवत्वमर्चायै मामहेति च कश्चन॥ ॐ सिद्धि-बुद्धि-सहिताय श्रीमहागणाधिपतये नमः। सुप्रतिष्ठो वरदो भव॥

श्लोक

विचित्ररत्नखचितं दिव्यास्तरणसंयुतम्। स्वर्णसिंहासनं चारु गृहाण गुहाग्रज॥ ॐ सिद्धि-बुद्धि-सहिताय श्रीमहागणाधिपतये नमः। आसनं समर्पयामि॥

श्लोक

ॐ सर्वतीर्थसमुद्भूतं पाद्यं गन्धादिभिर्युतम्। गजानन गृहाणेदं भगवान् भक्तवत्सलः॥ ॐ सिद्धि-बुद्धि-सहिताय श्रीमहागणाधिपतये नमः। पादयोः पाद्यं समर्पयामि॥

श्लोक

ॐ गणाध्यक्ष नमस्तेऽस्तु गृहाण करुणाकर। अर्घ्यं च फलसंयुक्तं गन्धमाल्याक्षतैर्युतम्॥ ॐ सिद्धि-बुद्धि-सहिताय श्रीमहागणाधिपतये नमः। हस्तयोरर्घ्यं समर्पयामि॥

श्लोक

विघ्नराज नमस्तुभ्यं त्रिदशैरभिवन्दित। गङ्गोदकेन देवेश कुरुष्वाचमनं प्रभो॥ ॐ सिद्धि-बुद्धि-सहिताय श्रीमहागणाधिपतये नमः। मुखे आचमनीयं समर्पयामि॥

श्लोक

मन्दाकिन्यास्तु यद्वारि सर्वपापहरं शुभम्। तदिदं कल्पितं देव स्नानार्थं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। सर्वाङ्गस्नानं समर्पयामि॥

श्लोक

पञ्चामृतं मयाऽऽनीतं पयो दधि घृतं मधु। शर्करा च समायुक्तं स्नानार्थं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। पञ्चामृत-स्नानं समर्पयामि॥

श्लोक

कामधेनुसमुद्भूतं सर्वेषां जीवनं परम्। तेजः पुष्टिकरं दिव्यं स्नानार्थं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। पयः-स्नानं समर्पयामि॥ पयसस्तु समुद्भूतं मधुराम्लं शशिप्रभम्। दध्यानीतं मया देव स्नानार्थं प्रतिगृह्यताम्॥ दधि-स्नानं समर्पयामि॥ नवनीत-समुत्पन्नं सर्वसंतोषकारकम्। घृतं तुभ्यं प्रदास्यामि स्नानार्थं प्रतिगृह्यताम्॥ घृत-स्नानं समर्पयामि॥ पुष्परेणुसमुद्भूतं सुस्वादु मधुरं मधु। तेजः पुष्टिकरं दिव्यं स्नानार्थं प्रतिगृह्यताम्॥ मधु-स्नानं समर्पयामि॥ इक्षुरससमुद्भूतां शर्करां पुष्टिदां शुभाम्। मलापहारिकां दिव्यां स्नानार्थं प्रतिगृह्यताम्॥ शर्करा-स्नानं समर्पयामि॥

श्लोक

चम्पाकाशेकबकुल-मालती-मोगरादिभिः। वासितं स्निग्धताहेतुर्तैलं चारु प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। सुवासित-स्नानं समर्पयामि॥ गङ्गा च यमुना चैव गोदावरी सरस्वती। नर्मदा-सिन्धु-कावेरी स्नानार्थं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। शुद्धोदक-स्नानं समर्पयामि॥

श्लोक

शीतवातोष्णसन्त्राणं लज्जाया रक्षणं परम्। देहालङ्करणं वस्त्रमतः शान्तिं प्रयच्छ मे॥ ॐ सिद्धि-बुद्धि-सहिताय श्रीमहागणाधिपतये नमः। वस्त्रं समर्पयामि॥ उत्तरीयं तथा देव नानाचित्रितमुत्तमम्। गृहाणेदं मया भक्त्या दत्तं तत् सफलीकुरु॥ ॐ सिद्धि-बुद्धि-सहिताय श्रीमहागणाधिपतये नमः। उत्तरीयं समर्पयामि॥

श्लोक

नवभिस्तन्तुभिर्युक्तं त्रिगुणं देवतामयम्। उपवीतं मया दत्तं गृहाण परमेश्वर॥ ॐ सिद्धि-बुद्धि-सहिताय श्रीमहागणाधिपतये नमः। यज्ञोपवीतं समर्पयामि॥

श्लोक

श्रीखण्डं चन्दनं दिव्यं गन्धाढ्यं सुमनोहरम्। विलेपणं सुरश्रेष्ठ चन्दनं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। गन्धं समर्पयामि॥

श्लोक

अक्षताश्च सुरश्रेष्ठ कुङ्कुमाक्ताः सुशोभिताः। मया निवेदिता भक्त्या गृहाण परमेश्वर॥ ॐ सिद्धि-बुद्धि-सहिताय श्रीमहागणाधिपतये नमः। अक्षतान् समर्पयामि॥

श्लोक

माल्यादीनि सुगन्धीनि माल्यत्यादीनि वै प्रभो। मयाहृतानि पुष्पाणि गृह्यन्तां पूजनाय भोः॥ पुष्पमालां समर्पयामि॥ त्वत्प्रियाणि सुपुष्पाणि कोमलानि शुभानि वै। शमीदलानि हेरम्ब गृहाण गणनायक॥ शमी-पत्राणि समर्पयामि॥ दूर्वाङ्कुरान् सुहरितानमृतान् मङ्गलप्रदान्। आनीतांस्तव पूजार्थं गृहाण गणनायक॥ दूर्वाङ्कुरान् समर्पयामि॥ सिन्दूरं शोभनं रक्तं सौभाग्यं सुखवर्धनम्। शुभदं कामदं चैव सिन्दूरं प्रतिगृह्यताम्॥ सिन्दूरं समर्पयामि॥

श्लोक

वनस्पतिरसोद्भूतो गन्धाढ्यो गन्ध उत्तमः। आघ्रेयः सर्वदेवानां धूपोऽयं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। धूपमाघ्रापयामि॥

श्लोक

साज्यं त्रिवर्तिसंयुक्तं वह्निना योजितं मया। दीपं गृहाण देवेश त्रैलोक्यतिमिरापहम्॥ भक्त्या दीपं प्रयच्छामि देवाय परमात्मने। त्राहि मां नरकाद्घोराद्दीपज्योतिर्नमोऽस्तुते॥ ॐ सिद्धि-बुद्धि-सहिताय श्रीमहागणाधिपतये नमः। दीपं दर्शयामि॥

श्लोक

नैवेद्यं गृह्यतां देव भक्तिं मे ह्यचलां कुरु। ईप्सितं मे वरं देहि परत्र च परां गतिम्॥ शर्करा-खण्ड-खाद्यानि दधि-क्षीर-घृतानि च। आहारं भक्ष्यभोज्यं च नैवेद्यं प्रतिगृह्यताम्॥ ॐ सिद्धि-बुद्धि-सहिताय श्रीमहागणाधिपतये नमः। नैवेद्यं मोदकमयऋतुफलानि च समर्पयामि॥ चन्दनं मलयोद्भूतं कस्तूर्यादि-समन्वितम्। करोद्वर्तनकं देव गृहाण परमेश्वर॥ चन्दनेन करोद्वर्तनं समर्पयामि॥

श्लोक

ॐ पूगीफलं महद्दिव्यं नागवल्लीदलैर्युतम्। एलाचूर्णादिसंयुक्तं ताम्बूलं प्रतिगृह्यताम्॥ मुख-वासार्थम्-एला-पूगी-फलादि-सहितं ताम्बूलं समर्पयामि॥ इदं फलं मया देव स्थापितं पुरतस्तव। तेन मे सफलावाप्तिर्भवेज्जन्मनि जन्मनि॥ नारिकेल-फलं समर्पयामि॥ हिरण्यगर्भगर्भस्थं हेमबीजं विभावसोः। अनन्तपुण्यफलदमतः शान्तिं प्रयच्छ मे॥ द्रव्य-दक्षिणां समर्पयामि॥

श्लोक

कदलीगर्भसम्भूतं कर्पूरं तु प्रदीपितम्। आरार्तिक्यमहं कुर्वे पश्य मे वरदो भव॥ ॐ सिद्धि-बुद्धि-सहिताय श्रीमहागणाधिपतये नमः। कर्पूर-नीराजनं समर्पयामि॥

श्लोक

नानासुगन्धि-पुष्पाणि यथा कालोद्भवानि च। पुष्पाञ्जलिं मया दत्तां गृहाण परमेश्वर॥ मन्त्र-पुष्पाञ्जलिं समर्पयामि॥ यानि कानि च पापानि ज्ञाताज्ञातकृतानि च। तानि सर्वाणि नश्यन्ति प्रदक्षिणां पदे पदे॥ प्रदक्षिणां समर्पयामि॥

श्लोक

आवाहनं न जानामि न जानामि तवार्चनम्। पूजां चैव न जानामि क्षमस्व गणेश्वर॥ अन्यथा शरणं नास्ति त्वमेव शरणं मम। तस्मात्कारुण्यभावेन रक्षस्व विघ्नेश्वर॥ गतं पापं गतं दुःखं गतं दारिद्र्यमेव च। आगता सुखसम्पत्तिः पुण्याच्च तव दर्शनात्॥ मन्त्रहीनं क्रियाहीनं भक्तिहीनं सुरेश्वर। यत्पूजितं मया देव परिपूर्णं तदस्तु मे॥ यदक्षरपदभ्रष्टं मात्राहीनं च यद्भवेत्। तत्सर्वं क्षम्यतां देव प्रसीद परमेश्वर॥